Muninn.is » Huginn

Karlakvöld í kvöld

Gísli Björgvin — Thu, 15 Apr 2010 09:32:57 +0000

Strákar! Það er komið að því!

Sæktu wife beater, ég skal skít’ann út,
það er karlakvöld í kvöld!
Vídeó, pizzur og uppistand.
Sötrum sódadrykk, deyfum ljósin,
það er karlakvöld í kvöld!
Karlmannlegt, hvað sem það kostar (bara 300 kall inn).

Þið heyrðuð rétt. Finnið skítuga wife beaterinn, mætið með 300 kall í Kvosina og þið fáið skemmtun sem enginn gleymir. Ógleymanleg viðtöl við skinkur skólans, hinn árlegi pizzuslagur, stelpur færa þér gosið, uppistand, keppnir, Gummi Frið og margt fleira!

Darri, Rakel og Stebbi í 2. sæti!

Gísli Björgvin — Sun, 11 Apr 2010 18:28:30 +0000

Krakkarnir “okkar”, þau Darri Rafn, Rakel og Stefán Ernir, ásamt strengjasveitinni okkar, lentu í 2. sæti í Söngkeppni framhaldsskólanna sem fram fór í Höllinni í gær. Stemmingin var ógleymanleg og flutningur krakkanna stórkostlegur. Gífurleg fagnaðarlæti brutust út þegar krakkarnir stigu og svið og undirritaður staðfestir að tár sáust á hvarmi Menntskælinga í Höllinni þegar þau fluttu lagið Í minni mínu eftir Stefán Erni en textann samdi Darri.

Það var svo magnþrungin stund þegar Matti tilkynnti á sviði að dómnefnd hefði mikið velt fyrir sér hvort rapp ætti heima í keppni sem þessari. Fagnaðarlátunum ætlaði svo ekki að slota þegar hann nefndi nafn Menntaskólans á Akureyri.

Krakkarnir stóðu sig eins og hetjur og eiga mikið hrós skilið. Stjórn Hugins sendir Darra, Rakel, Stefáni, strengjasveitinni og MA-ingum öllum, nær og fjær, innilega til hamingju með þennan frábæra árangur.

Karlakvöld

Gísli Björgvin — Wed, 07 Apr 2010 12:05:53 +0000

Já strákar, það er komið að því.

Ratatoskur 15. og 16. mars

Einar Tryggvi — Sun, 07 Mar 2010 14:08:10 +0000

Nú fer að líða að Ratatosk og leitum við því til ykkar, nemenda, kennara og starfsfólks.

Ef þú getur hugsað þér að vera með námskeið eða fyrirlestur eða dettur einhver í hug sem getur verið með námskeið á Ratatoski skaltu endilega hafa samband við okkur.
Allar hugmyndir eru vel þegnar.

Hafið samband sem fyrst á huginn[hjá]ma.is

Skráning í söngkeppni

Einar Tryggvi — Thu, 07 Jan 2010 21:47:44 +0000

Söngkeppni Menntaskólans á Akureyri verður haldin þann 24. febrúar næstkomandi og verður sú flottasta hingað til !

Skráning hefst strax þegar skóli hefst á ný eftir prófloka frí þann 1. febrúar og mun standa yfir í takmarkaðan tíma. Það verður fjöldatakmörkun í keppnina þannig við hvetjum alla til að skrá sig sem allra fyrst og nýta próflokafríið í að hugsa sig um.

Við kynnum þetta svo betur þegar skólinn byrjar aftur eftir próf.

Kveðja
Stjórnin

Hugins bolir!

Einar Tryggvi — Wed, 11 Nov 2009 22:55:49 +0000

Hugins bolirnir eru komnir og verða til sölu í Kvosinni í vikunni. Þeir eru til í öllum stærðum og í bleiku, grænu og svörtu.

Þeir sem skrifuðu sig á áhugalistana endilega munið að taka með pening í skólann og festið kaup á einum slíkum.

Það er til nóg af bolum þannig að þeir sem skrifuðu sig ekki á áhugalistana þurfa ekki að hafa neinar áhyggjur!

Verðið er einungis 1990 kr!