• Formaður:  Ásdís Rós Alexandersdóttir
• Varaformaður: Unnur Anna Árnadóttir
• Gjaldkeri: Fjóla Gunnarsdóttir
• Meðstjórnandi: Sigmar Darri Unnsteinsson
• Ritari: Elva Hrund Árnadóttir
• Skemmtanastjóri: Sigurður Atli Jónsson

• Ritstýra: Jóna Kristjana Hólmgeirsdóttir
• Aðstoðarritstýra: Sóley Úlfarsdóttir
• Gjaldkeri: Tómas Bjarnason
• Greinastjóri: Áki Sebastian Frostason
• Myndastýra: Jóhanna Sigurðardóttir
• Auglýsingastjórar: Steinarr Ólafsson og Ída Irene Oddsdóttir
• Ritari: Asra Rán Björt
• Vefstjóri: Þorvaldur Helgi Jóhannsson

Muninn.is auglýsir: Laus er til umsóknar staða Vefstjóra Munins.

Í starfinu felst umsjón með vef skólafélagsins/skólablaðsins, muninn.is, og stjórnun MuninnTV, vefsjónvarps Munins. Einnig hefur vefstjóri rétt til setu í ritstjórn Munins þó að engin kvöð hvíli á honum að taka þátt í vinnslu blaðsins.

Lágmarkskrafa er gerð um grunn tölvukunnáttu og einhverja þekkingu á bloggkerfum, sérstaklega WordPress. Kostur er að þekkja til eftirfarandi þó ekki sé gerð sérstök krafa til þess:

• HTML/CSS
• PHP
• MySQL gagnagrunnskerfi
• Adobe Photoshop
• Adobe InDesign
• Upptaka og klipping á myndböndum (iMove, Adobe Premiere Pro, Sony Vegas, o.s.frv.)

Vefstjóri hefur aðgang að Munins-kompunni og MyMA-kompunni sem hann getur nýtt sér við störf sín. Auk þess fylgir stöðunni útidyralykill að kompusvæðinu svo nátthrafnar geti unnið á þeim tíma sem þeim hentar.

Umsóknir berist ekki síðar en á miðnætti, aðfaranótt mánudagsins 14. maí, til vefstjori@muninn.is. Öllum umsóknum verður svarað eftir að valið hefur verið í stöðuna. Val á komandi vefstjóra er í höndum fráfarandi vefstjóra, Guðmundar Birkis Guðmundssonar, fráfarandi ritstýru, Hrefnu Rúnar Magnúsdóttur og nýrrar ritstýru skólablaðsins, Jónu Kristjönu Hólmgeirsdóttur.

Muninn auglýsir: Kosningar í ritstjórn fyrir skólaárið 2012-2013.

Á mánudaginn næstkomandi verða haldnar kosningar um ritstjórn fyrir komandi skólaár. Ritstýra fyrir skólaárið er Jóna Kristjana Hólmgeirsdóttir sem gengdi embætti greinastýru á þessari önn. Kosnir verða sjö fulltrúar í nýja ritstjórn en embætti þeirra verða valin á fyrsta ritstjórnarfundinum sem haldinn verður að kosningum loknum.

Núverandi nemendur fyrsta-, annars- og þriðja bekkjar eru kjörgengir en atkvæðisrétt hafa allir núverandi  meðlimir skólafélagsins Hugins. Atkvæði verða talin beint að loknum kosningum og verða úrslitin tilkynnt stuttu síðar.

Með von um góða þáttöku,
fráfarandi ritstjórn Munins.

• Formaður skólafélagsins , Inspectrix Scholae, er Alda Karen Ólafsdóttir Hjaltalín með 65,89% atkvæða.
• Varaformaður skólafélagsins, Exuberans Inspector, er Egill Þór Ívarsson með 85,24% atkvæða.
• Gjaldkeri skólafélagsins, Quaestor scholaris, er Ásmundur Hálfdán Ásmundsson með 71,09% atkvæða úr seinni umferð.
• Ritari skólafélagsins, Scriba scholaris, er Telma Eiðsdóttir með 51,75% atkvæða.
• Skemmtanastjóri, Erus gaudium, er Sigmar Bjarni Sigurðarson með 51,1% atkvæða úr seinni umferð.
• Meðstjórnandi, Collega scholae, er Ísey Dísa Hávarsdóttir, sjálfkjörin.
• Forseti fjáröflunarnefndar, Presidium pactum, er Telma Karen Finnsdóttir með 64,88% atkvæða.
• Forseti hagsmunaráðs, Presidium discipulus, er María Bjarnadóttir með 57,57% atkvæða úr seinni umferð.

Frekari tölfræði úr kosningunum er hægt að nálgast hjá fastanefnd.

Ritstjórn Munins óskar nýkjörinni stjórn til hamingju með kosninguna og velfarnaðar í starfi sínu á komandi ári. Einnig viljum við nota tækifærið og minna á að vorblað Munins kemur út á föstudagsmorgun á slaginu 9:45.

Formaður málfundafélagsins:

• Tómas Bjarnason

Fulltrúi þriðja bekkjar í fjáröflunarnefnd:

• Magnús Víðisson

Fulltrúi þriðja bekkjar í skemmtinefnd:

• Aðalsteinn Hannesson

Fulltrúi annars bekkjar í hagsmunaráð:

• Melkorka Kristjánsdóttir

Kjósa þarf aftur um eftirfarandi embætti í stjórn Hugins, frambjóðendur eru birtir í stafrófsröð:

Gjaldkeri:

• Ásmundur Hálfdán Ásmundsson
• Erwin Szudrawski

Skemmtanastjóri:

• Jón Bjarki Hjálmarsson
• Sigmar Bjarni Sigurðsson

Forseti Hagsmunaráðs:

• María Bjarnadóttir
• Sóley Úlfarsdóttir

Seinni kosningar munu fara fram milli klukkan 8:00 og 15:30 á morgun og verður stjórn Hugins tilkynnt í heild sinni að talningu lokinni.

Í framboði þetta árið eru 44 einstaklingar, þar af 26 til stjórnar Hugins. Sjálfkjörið er í tíu embætti. Með þessari tilkynningu er formlega leyft að hefja áróður, minnt er þó á að öllum áróðri skal lokið fyrir klukkan 11, þriðjudaginn 8. maí.

Kosningarnar sjálfar munu fara fram þriðjudaginn 8. maí milli klukkan frá klukkan 11 og til klukkan 4. Náist hreinn meirihluti í öll embætti verður ný stjórn tilkynnt seinna um daginn í Kvosinni og hér á muninn.is. Náist ekki hreinn meirihluti í eitthvert embættanna verður ný stjórn tilkynnt eftir endurkosningar þeirra embætta sem ekki náðu hreinum meirihluta, miðvikudaginn 9. maí. Stjórnarskipti verða síðan fimmtudaginn 10. maí.

Ritstjórn Munins óskar frambjóðendum öllum góðs gengis í kosningunum!

Ritstjórn Munins óskar frambjóðendum öllum góðs gengis í kosningabaráttunni og minnir jafnframt á að allar auglýsingar og annar áróður (þ.á.m. Facebook) er stranglega bannaður fyrir miðnætti, aðfaranótt mánudagsins 7. maí.

Þau framboð sem ekki virða þessa reglu mæta viðurlögum og jafnvel ógildingu.

Einnig viljum við minna á að framboðsfrestur fyrir Aðalfund II rennur út á miðnætti föstudaginn 4. maí. Frekari upplýsingar má lesa í þessum pósti sem á að hafa borist öllum nemendum fyrir helgi:

Sæl öll!

Með þessum pósti opnum við fyrir framboð í stjórn Hugins fyrir næsta skólaár. Hverju framboði skal fylgja listi með minnst 10 og mest 25 meðmælendum sem þið skilið í hólf skólafélags Hugins. Framboði er skilað með kynningartexta um frambjóðanda og mynd fyrir vinnslu kosningavefs sem haldið er úti á vefsetri muninn.is. Það skal sendast á netfangið 28ban@ma.is.

Embættin sem kosið verður í eru eftirfarandi:

• Formaður Skólafélagsins,
• Varaformaður,
• Gjaldkeri,
• Ritari,
• Skemmtanastjóri,
• Forseti Fjáröflunarnefndar,
• Meðstjórnandi,
• Forseti Hagsmunaráðs,
• Fulltrúar 2. 3. og 4. bekkjar í Hagsmunaráð (þ.e.a.s. núverandi 1. 2. og 3. bekkjar)
• Fulltrúar 2. 3. og 4. bekkjar í skemmtinefnd (þ.e.a.s. núverandi 1. 2. og 3. bekkjar)
• Fulltrúar 2. 3. og 4. bekkjar í fjáröflunarnefnd (þ.e.a.s. núverandi 1. 2. og 3. bekkjar)
• Ritstjóri Munins,
• Formaður Málfundafélagsins,
• Formann Leikfélagsins, LMA,
• Formaður Íþróttafélagsins, ÍMA,
• Formaður Tónlistarfélagsins, TóMA,
• Formaður Myndbandafélagsins, MyMA,
• Formaður Áhugaljósmyndarafélagsins, FálMA,
• Tveir fulltrúar í skólaráð,
• Einn fulltrúi í skólanefnd.

Framboðsfrestur stendur fram að miðnætti á föstudaginn 4. maí, eftir það er ekki tekið við framboðum en athugið að hólfin loka klukkan 17 í Gamla skóla og því þurfa undirskriftarlistarnir að verða komnir í hólfið þá.

Athugið að áróður og auglýsingar eru með öllu óheimilaðar fyrir miðnætti sunnudaginn 6. maí, þar á meðal á samskiptasíðum, til dæmis Facebook, Twitter og meira að segja Myspace. Þau framboð sem ekki virða þessa reglu mæta viðurlögum og jafnvel ógildingu.

Með bestu kveðjum frá Fastanefnd,

Andri Yrkill Valsson 4.HI

Ágúst Heiðar Hannesson 4.U

Bergrún Andradóttir 4.F

Frekari fyrirspurnum skal beint til fastanefndar.

Ógn stafar af alræmdum glæpamanni, Spilaþjófinum, sem hefur tilkynnt að á miðnætti skuli hann ræna helstu gersemi Kolbeins Laxness bankastjóra Hins konunglega ríkisbanka Svíþjóðar, afsalinu að Belgíu sem Kolbeinn vann með prettum af hinum blinda Palmer hundraðshöfðingja. Lögreglan í Stokkhólmi hefur sent allt tiltækt lið með Ívar Lüngby yfirlögregluforingja fremstan í flokki, sem freistar nú að góma þjófinn sem hefur svo oft áður niðurlægt hann fyrir framan alþjóð. Þegar óboðnir gestir skjóta upp kollinum, upp kemst um óvænt ástarsambönd í bankanum og fjölmiðlar blandast í atburðarásina flækjast málin og enginn virðist óhultur.

Hægt er að nálgast miða á midi.is eða í miðasölu Leikfélags Akureyrar í samkomuhúsinu.

Fyrir yfirstandandi námsár voru veittir fjórtán styrkir, hver að upphæð 300 þúsund krónur auk þess sem innritunargjöld, sem voru 45 þúsund krónur, voru felld niður hjá styrkþegum. Rétt til að sækja um hafa allir sem innritast í Háskóla Ísland og umsóknarfrestur er til 5. júní. Minnt verður á þetta aftur þegar umsóknir um styrk fyrir næsta skólaár verða auglýstar. Einnig er hægt að fylgjast með þessu máli að vef Háskóla Íslands.

Um sögu KaffMA er það að segja að árið 2002 stofnaði Helgi Arnar Alfreðsson, bróðir Mumma, félagið KaffMA, ásamt nokkrum félögum sínum.

Upphaflegur tilgangur félagsins var að sjá um reglulegar kaffuppáhellingar í frímínútum ásamt tíðum ferðum á hin ýmsu kaffihús bæjarins.  Félagið lá svo í dvala um nokkurra ára skeið, eða frá árinu 2005 og þangað til það var endurstofnað árið 2011.

KaffMA notast við kaffi frá Nýju Kaffibrennslunni en þaðan má rekja hið ljúfa bragð sem félagið er þekkt fyrir. Þegar við spurðum Mumma hvort hann byggi yfir einhverju tengslum til að starfrækja félagið kom fyrst á hann dulurafullur svipur, en hann sagði að lokum bæði mötuneyti heimavistarinnar og kaffistofu kennarana hafa lagt sér lið við kaffið og kaffigerðina. Þrátt fyrir hina ótalmörgu KaffMA gleðidaga sem haldnir hafa verið og þá tugi, gott ef ekki hundruði bolla sem hellt hefur verið upp á er Mummi ennþá með spil uppi í erminni. Hann segist stefna á að varpa hulunni af því á árshátíð KaffMA sem haldin verður seinna á þessari önn.

Mummi á rætur sínar að rekja vestur í Skagafjörðinn, enda höfðingi mikill, og þar starfar hann hjá elsta fyrirtæki landsins: Kaupfélagi Skagfirðinga. Kaupfélagið hélt fyrr á þessu ári hátíðlega árshátíð sína þar sem Mummi sveigði allar reglur og færði starfsemi KaffMA út fyrir lóð Menntaskólans. Þar hellti hann upp á kaffi fyrir tæplega 150 starfsmenn Kaupfélagsins. Mummi er mikill smekksmaður á kaffi og þegar hann var spurður hver hans uppáhalds kaffidrykkur væri svaraði hann með bros á vör: “Ég vil náttúrulega hafa mikið kaffibragð af kaffidrykknum mínum. Þannig að tvöfaldur cappuccino er vel séður.”

Mummi hefur hins vegar ekki alla tíð kunnað að meta þá dýrð og dásemd sem kaffidrykkja er, en meðlimir Ixoroideae kaffiplöntuættarinnar og Mummi eiga sér langa og fallega sögu ef svo má að orði komast. Sagan hefst sumarið 2005 þegar Mummi og bróðir hans voru einir heima, fjarri áreitis foreldra sinna. Bróðir Mumma átti það til að fá sér kaffidreitil og þótti það út í hött að einkabróðir sinn drykki ekki kaffi, svo hann lét ekki á sér sitja og á tveimur dögum síðar var Mummi orðinn að þeim kaffisvelg sem og hann er í dag. Eftir fyrsta sopann er ekki aftur snúið!

Vér þökkum yður kærlega fyrir lesturinn og einnig þökkum við Mumma og stjórn KaffMA fyrir viðtalið!

-Steinarr Ó & Áki Sebastian

[Show as slideshow]

Liðin sem mættu til undanúrslita voru ekki af verri endanum en þar mættust 2.B á móti 4.G , og 4.F á móti 4.U.
Lið 2.B skipuðu: Hjörtur Þór, Baldvin, Bjartur, Rakel og Orri.
Lið 4.F skipuðu Arna Sif, Egill, Ingólfur, Árni Arnar og Óli.
Lið 4.U skipuðu þau Freyr, Jóhannes, Hallur, Kristján, Sigurbjörg og Helga.
Lið 4.G skipuðu Villi, Silvía, Óli, Gulli og Jóhann Axel.

Leikur 2.B og 4.G var hörkuleikur þar sem barist með kjafti og klóm. Bæði lið sýndu mikla yfirburði í íþróttinni og var greinilegt að mikil reynsla bjó þar að baki. KR búningurinn og Argentínu landsliðstreyjurnar sýndu mikla tækni og yfirvegun í spili og skipulagðri sókn. Leikurinn varð æsispennandi og þegar venjulegum leiktíma lauk þurfti að efla til Gullmarks. Þegar nokkrar mínútur voru liðnar af framlengingu, kom upp atvik þar sem ákveðinn aðili í 4.G vildi fá aukaspyrnu en dómarinn dæmdi ekkert og lét leikinn halda áfram. 10 sekúndum seinna skoraði 4.G með glæsilegu skoti frá Óla (sem var markmaður í þessum leik) og lauk þar með viðureigninni 2-1 fyrir 4.G. Þótt lið 2.B hafi verið ósátt með þessi úrslit, geta þeir borið höfuðið hátt en það er greinilegt að verðandi fótboltameistarar finnast í bekknum.

4.F – 4.U var æsispennandi leikur. 4.F var fyrir því áfalli að missa sterkan leikmann af velli eða hann Óla. Hann hafði spilað allt mótið á tánum einum og þurfti því miður að fara útaf þar sem blóðslóðin elti hann um allan völlinn- enda engin miskunn sýnd á íþróttamótum ÍMA. 4.F lét þetta ekki á sig fá og spiluðu Arna Sif, Egill, Ingólfur og Árni, einum manni færri og héldu ótrauð áfram að sækja á 4.U allan leikinn. 4.U nýttu þau sér það til hins ítrasta að vera einum manni fjölmennari og komust yfir á þriðju mínútu. Þegar 30 sekúndur voru til leiksloka hafði 4.U skorað tvö mörk og var liðið þá búið að tryggja sér sæti í úrslitum.

Úrslitaleikurinn var ekki síðri en þar mættust 4.G og 4.U.
 Leikurinn byrjaði með látum og var greinilegt að bæði lið ætluðu sér sigur. 4.G komst yfir strax á fyrstu mínútu en 4.U var langt því frá að vera hættur. Þreytan var þó ekki langt í burtu enda höfðu liðsmenn nýlokið erfiðum leik við 4.F. Samt börðust þeir upp á líf og dauða og áttu nokkur dauðafæri í seinni hálfleik en eitthvað varð til þess að boltinn vildi ekki fara í markið. Sumir töldu þar Óla kraftaverkamarkmann vera að verki en aðrir töldu óheppni Freys hafa haft áhrif á leikinn.  Á endanum vann 4.G sigur og var fagnað gríðarlega þegar leikurinn var flautaður af eftir 8 mínútur.

Nú hefur ÍMA staðið fyrir blakmóti, bandýmóti og fótboltamóti en eftir er frjálsíþróttamótið eina einstaklingskeppni ÍMA. Ef tími gefst til er ekki útilokað að haldin verði fleiri mót, á þeim 40 virku skóladögum sem eftir eru af önninni. Að lokum þakkar 
ÍMA nemendum skólans kærlega fyrir þáttökuna á fótboltamótinu!

Þangað til næst,
ÍMA- íþróttafélag MA

Myndin tengist fréttinni ekki nema að takmörkuðu leyti.

Næst á dagskrá er þá Morfis keppni við MH sem samkvæmt heimildum Munins verður haldin 30. mars.

Áfram MA.

Fyrir hönd okkar MA-inga keppa þeir Hlöðver Stefán Þorgeirsson 3TX, Jóhann Óli Eiðsson í 4G og Þórir Steinn Stefánsson í 4F.  Fyrir hönd Kvennaskólans keppa þau Laufey Haraldsdóttir, Bjarni Lúðvíksson og Bjarki Freyr Magnússon (Heimild: kvenno.is.)

Því miður gátu ekki allir þeir sem vildu styðja við liðið farið með til Reykjavíkur en þeir sem vilja horfa á keppnina í góðra vina hópi er bent á að bein útsending frá keppninni verður í Kvosinni í kvöld, en keppnin hefst klukkan 20:10. Sjoppan verður opin og gríðarleg stemning.

Við óskum Gettu betur liðinu velgengni, suðurförunum góðrar skemmtunar og

ÁFRAM MA!

Súldarsker er ærslafull ráðgáta sem gerist í litlu sjávarplássi sem á sér ógnvænleg leyndarmál. Þetta er íslenskt leikverk sem hefur fengið mikið lof fyrir handrit og leikmynd, og hlotið þar á meðal tilnefningar til Grímuverðlaunanna fyrir hvoru tveggja. Leikmyndin er ansi sérstök, en hún er aðeins gerð úr segulþráðum úr myndbandsspólum. Frekari upplýsingar um sýninguna er að finna á leikfelag.is.

Miðasala er í síma 4 600 200, midasala@leikfelag.is og í miðasölu LA í Samkomuhúsinu milli 13 og 17 alla virka daga. Ekki er hægt að fá skólaafsláttinn við netkaup.

Vikan byrjaði með látum á mánudaginn þar sem stjórnin bauð upp á Sun Lolly og íspinna undir íðilfagurri tónlist hinnar ástkæru hljómsveitar Green Day, sem setti heldur betur tóninn fyrir komandi gleðidaga! Stjórnin á að baki langar nætur við kleinubakstur og skyrgerð, að ógleymdu því gríðarmagni af karamellum og nammi sem þau vöfðu inn í bréf af mikilli nákvæmni og alúð. Föstudagurinn var svo haldinn hátíðlegur með grilluðum pylsum og kóki í bauk að hætti Norðlendinga. En vikan er ekki búin og við hvetjum Menntskælinga eindregið til þess að halda gleðinni áfram upp á eigin spýtur!

Uppi voru hugmyndir um að halda þunglyndisviku eftir helgi til mótvægis við þessa taumlausu gleði, en það kemur fljótlega í ljós hvort af því verður!

Jón Sæmundur er um þessar mundir, ásamt tveimur öðrum listamönnum, með sýningu í Ketilhúsinu, þar sem til sýnis eru magnþrungin myndlistarverk  og kynngimögnuð sjónlistarverk af óhefbundnari toga.
En að mergi málsins: Listunnendur skólans, látið þessa sýningu  í Ketilhúsinu ekki framhjá ykkur fara og kíkið á hana við fyrsta tækifæri. Mig langar einnig að nýta tækifærið til þess að setja fram hugmynd, væri ekki gaman að hafa boli skólafélagsins í svipuðum stíl næsta ár?

Lifið heil – Steinarr Ólafsson

Myndina skal senda á upplysing@upplysing.is fyrir 31. mars næstkomandi. Hún má ekki vera lengri en 3 mínútur og efni hennar þarf að tengjast lestri eða bókasöfnum á einhvern hátt.

Verðlaunin eru ekki af verri endanum, en 25. þúsund króna peningaverðlaun eru í boði fyrir bestu myndina!

frí á morgun, 29. febrúar.

Ljóst er að þetta ástand verður ekki liðið til lengdar þar sem reykelsi eru með öllu bönnuð innan veggja Menntaskólans á Akureyri. Ef einhver telur sig sekan um athæfið er sá hinn sami beðinn um að gefa sig fram hið snarasta.

Sameinuð stöndum vér, sundruð föllum vér!

Húsband kvöldsins var hljómsveitin Scvtil Wum sem þótti svo framúrskarandi að sjálfur Inspector Scholae sagði: “Á þeim fjórum árum síðan ég hóf nám við þennan skóla, hefur aldrei verið jafn flott hljómsveit.” Meðlimir hljómsveitarinnar eru hinir gullfallegu og hjartahlýju: Tandri Gauksson, Hrólfur Ásmundsson, Jón Haukur Unnarsson, Ármann Óli Halldórsson og síðast en ekki síst hinn ógleymanlegi Gunnar Atli Eggertsson. Þeir gengu inn á sviðið prúðbúnir í lúðrasveitabúningum og mátti víða sjá kjálka busastúlkna síga niður í gólf er þær sáu trommusnillinginn og módelið Jón Hauk Unnarsson klæddan í bláan einkennisbúning.

Hljómsveitin hóf kvöldið með inngangi þar sem að þeir sýndu fram á tónsnilli sína og yfirburði í hljóðfæraleik en að því loknu hófst keppnin fyrir alvöru.

Hvert atriðið þótti bera af öðru og þurfti áreiðanlega dómara til að skera úr um hver færi með sigur úr býtum. Dómarar kvöldsins voru Heimir Bj (kennari við Menntaskólann), Arna Vals (sönglistakona) og Haukur Tryggvason (á Græna hattinum).

Sigurvegari söngkeppninnar, Móheiður Guðmundsdóttir í 3.F, flutti lagið Bang-Bang (My Baby Shot Me Down) við gítarundirleik Tandra Gaukssonar í 4.X. Móheiður mun því keppa fyrir hönd Menntaskólans á Akureyri í Söngkeppni Framhaldsskólanna sem haldin verður í apríl á þessu ári. Ekki hefur enn verið skorið úr um hvar skuli halda söngkeppina í ár. Hugmyndir hafa verið á lofti um að halda keppnina í borg óttans en ekki hér í bæ eins og tíðkast hefur á undanförnum árum.

Annað sætið hreppti Sigrún Helga Andrésdóttir í 4.F með laginu Hurt sem Christina Aguilera gerði frægt á sínum tíma. Hákon Guðni Hjartarson í 2.A hreppti þriðja sætið með laginu Cry me a River sem sló í gegn í flutningi Ellu Fitzgerald á miðri síðustu öld.

Vinsælasta lag kvöldsins að hálfu nemenda var Bítlalagið Let it be í flutningi Marínar Eiríksdóttur. Margir þóttst hafa séð anda John Lennon bregða fyrir í sviðsmistrinu án þess þó að það hafi fengist staðfest.

Hér fyrir neðan má sjá upptöku af flutningi sigurlagsins:

Hvað gerist þegar þrjú pör halda saman í sumarbústaðaferð?

Um þessar mundir standa yfir sýningar á leikritinu Himnaríki í hinu margrómaða Freyvangsleikhúsi. Miðaverð  er aðeins 1500 kr. fyrir nemendur MA og VMA og hvetjum við alla til þess að láta þetta einstaka tækifæri ekki fram hjá sér fara þar sem hér er um að ræða frábæra skemmtun á einstökum kjörum!

Miðapantanir fara fram í síma 857-5598 og frekari upplýsingar má nálgast á heimasíðu leikfélagsins: http://freyvangur.net/

Allir í leikhús!

Uppfært:

Sýningin er sýnd á föstudögum og laugardögum fram í enda apríl!

Okkur láðist að taka fram að nemendur geta ekki keypt miða í Eymundsson nema á fullu verði. Hægt er að hringja í miðasölu s:857-5598 eða senda póst á freyvangur@gmail.com til að nýta sér nemendaafsláttinn.

Andstætt því sem margur heldur er gróska í grasrótarmenningu Akureyrar. Hér í bæ þrífast tónlistarmenn sem spila ekki með það fyrir augum að sigra heiminn, heldur þróa með sér sérkenni og frumleika á eigin hátt. Hljómsveitirnar: Hindurvættir, Gruesome Glory, Buxnaskjónar og Völva ætla að bjóða upp á ferskan tónflutning sem gæðir Hofi nýjum blæ.

Allt frá glaðværu pönki og krefjandi tæknilegu þungarokki yfir í hægari tóna með blúsáhrifum og tilraunablæ. Týndir bræður sem vinna að skapandi tónlistarstarfi og hafa sameiginlegt sjónarmið: Að brjóta upp þann hversdagslega ramma sem svo gjarnan áreitir hlustir okkar í daglegu afþreyingamynstri.

Miðaverð aðeins 1.000 kr.

Nánari upplýsingar í miðasölu Hofs.

http://www.menningarhus.is/

Og á facebook síðu tónleikana.

http://www.facebook.com/events/244292738989067/

Veitt voru verðlaun fyrir flottasta búninginn, bæði milli einstaklinga og bekkja. Skemmst er frá því að segja að þátttaka í bekkjakeppninni var til háborinnar skammar, en því verður að sýna fullan skilning, enda ekki á hvers manns færi að mæta hinum ógnvænlegu og andlitsmáluðu dauðarokkurum sem sitja í ritstjórn Munins, en meðlimir hennar fóru með sigur af hólmi á móti nemendum 3. I. Í einstaklingskeppninni hreppti enginn annar en Úlfur Einarsson í 3. TX gullið, en hann var klæddur í Heimisskrúðgalla. Svo virtist sem fagnaðarlátunum ætlaði aldrei að linna og ómaði tónlist Skyttanna um kvosina til heiður sigurvegaranum.

Að sjálfsögðu var kötturinn sleginn úr tunnunni í tilefni dagsins og voru nemendur ekki lengi að kasta sér yfir góðgætið sem í henni leyndist. Einnig var hin ómissandi limbókeppni haldin í miðri kvosinni þar sem Jón Már skólameistari fór fremstur í flokki.  Leit á tímabili út fyrir að hann myndi fara með sigur af hólmi en þegar allt kom til alls reyndist sigurvegarinn vera Álfhildur Rögn í 2. Y. Með gleði í hjörtum og sykur í æðum héldu nemendur í kennslustundir á ný þar sem við tók skemmtun af öðrum en ekki síðri toga!

Við í Munin kveðjum að sinni

-Ást og friður

Aðgangseyrir er 1500 kr fyrir Hugins og Þórdunu meðlimi og 2000 kr fyrir aðra.

ATH: Upplýsingar um keppendur má finna hér!

Í dag var bolludagurinn haldinn með pompi og prakt í Menntaskólanum á Akureyri og bauð stjórnin upp á bollur í kvosinni í löngu frímínútum.

Einnig barst ilmur af nýbökuðum bollum með rjóma af kennaraskrifstofunni.

Einnig viljum við minna alla á að láta ekki sitt liggja á miðvikudaginn og mæta í búning!

Merkið þarf að henta fyrir ýmiskonar kynningarefni (s.s bréfsefni, umslög og auglýsingar).  Æskilegt er að merkið sé einfalt í prentun og í einum lit.

Dómnefndin sem skipuð er skólameisturum MA og VMA, heimavistarstjóra, fulltrúa heimavistarráðs og fulltrúa Lundar, velur úr innsendum tillögum.  Athugið að Lundur ses áskilur sér rétt til að nýta ekki vinningstillögun.

Veitt verða peningaverðlaun að upphæð 25.000 krónur fyrir bestu tillöguna.  Úrslit verða kynnt á sumardaginn fyrsta, 19. apríl n.k. á opnu húsi heimavistar, en þar verður jafnframt hægt að skoða þær tillögur sem bárust.

Tillögum að merkinu/lógóinu skal skila til Heimavistar MA og VMA, Eyrarlandsvegi 28, 600 Akureyri á tölvutæku formi í umslagi merktu með dulnefni.  Í  umslaginu skal vera lokað umslag með nafni höfundar.

Kennarar báru sigur úr býtum og skar Hóffa sig úr fjöldanum með stórkostlegum sönghæfileikum. Fengu sumir klígju yfir rúgbrauðinu með rjómanum og maltölinu en það var eina keppnin sem nemendur unnu. Að vanda var boðið upp á pítsur og gos og nemendur voru ekki lengi að háma kræsingarnar í sig. Í lok kvöldvöku söng Fríða Kristín tvö lög af mikilli snilld. Mæting var sú prýðilegasta.

Myndir má nálgast hér og einnig á facebook síðu FálMA.

Kæru nemendur MA.

Sinfóníuhljómsveit Norðurlands er með tónleika í Hofi  sunnudaginn 12. febrúar kl. 16.00. Ykkur er boðið að kaupa miðann á kr. 1500 en almennt verð er kr. 4900.

Miðasala í Hofi er opin alla virka daga kl. 13:00-19:00, Sími 450 1000, netfang: midasala@menningarhus.is.

7. sinfónía Beethovens
Píanókonsert eftirt Jón Ásgeirsson í frumflutningu Peter Maté
12. febrúar kl. 16.00

Sinfóníuhljómsveit Norðurlands býður upp á glæsilega efnisskrá í Hofi 12. febrúar þar sem ein vinsælasta og þekktasta sinfónía Beethovens, Sinfónía nr. 7 verður flutt. Sinfónían er rómuð fyrir kraft og fegurð. Hún hefur verið vinsæl í ýmsum kvikmyndum en nýlegt dæmi þess er í verðlaunamyndinni The king´s speech.

Á efnisskránni er einnig frumflutningur á nýju íslensku tónverki eftir Jón Ásgeirsson tónskáld. Um er að ræða píanókonsert þar sem einleikarinn Peter Máté, einn fremsti píanóleikari okkar Íslendinga stígur á stokk en Jón samdi verkið sérstaklega fyrir hann. Jón hefur lengi fylgst með ferli Peters og segir m.a. um hann: Peter er frábær píanóleikari, hann er einstaklega næmur á blæbrigði og hefur mjög góða og eftirtektarverða tækni.

Fingalshellir eftir Mendelssohn er einnig á efnisskránni. Verkið ætti að höfða vel til Íslendinga en í framvindu þess getur að heyra enduróm af hljóðum sjófugla, vindgnauði, sjávarnið og veðurofsa í margbreytilegum myndum.

Hljóðfæraleikarar SN hlakka til tónleikanna 12. febrúar sem þykja kjörið tækifæri fyrir alla til að upplifa töfra klassískrar tónlistar. Það er ekki á hverjum degi sem tækifæri gefst til að hlýða á glæsilega sinfóníu og frumflutning á íslensku verki í takt við ört hækkandi sól.

Verið hjartanlega velkomin

Kær kveðja

Brynja Harðardóttir framkvæmdastjóri SN

• Bergrún Andradóttir – 4.F – Gjaldkeri
• Jóna Kristjana Hólmgeirsdóttir – 3.F – Umsjón með greinum
• Áki Sebastían Frostason – 3.I - Auglýsingastjóri
• Steinarr Ólafsson – 3.I – Auglýsingastjóri

Að lokum viljum þakka öllum þeim sem buðu sig fram jafnt og þeim sem komu og kusu. Frekari upplýsingar um núverandi ritstjórn má finna hér á síðunni:

http://www.muninn.is/muninn/ritstjorn-munins/

Einnig viljum við nota tækifærið og bjóða ykkur velkomin aftur í skólann og óskum ykkur góðs gengis á nýrri önn.

-Ritstjórn Munins.

Af gefnu tilefni er bent á að nemendur hafa þegar fengið sendan lista yfir þær bækur sem tekið er á móti á skiptibókamarkaðnum í tölvupósti.

Á miðvikudaginn hefst skóli með prófsýningum og að nemendur yngri bekkja hitta umsjónarkennara.

• Nemendur í fyrsta og öðrum bekk mæta klukkan 9:00 á miðvikudeginum og hitta umsjónarkennara.
• Nemendur í 2. TUXY hitta eðlisfræðikennara klukkan 9:30 í M9.

Prófsýningar verða auglýstar á upplýsingatöflu í anddyri Hóla en eru að mestu leyti:

• Milli klukkan 9:30 - 11:00 fyrir annan bekk.
• Milli klukkan 11:00 – 12:30 fyrir þriðja og fjórða bekk.

Kennsla hefst síðan að fullu fimmtudaginn 2. febrúar.

Frekar upplýsingar má nálgast á heimasíðu skólans, www.ma.is.

Þeir sem misstu af keppninni í útvarpinu geta hlustað á hana á heimasíðu ríkisútvarpsins innan skamms.

Sjá nánar á Vef MA.

Blaðið verður aðgengilegt á heimasíðu Munins á næstu dögum.

http://myndir.muninn.is/

Dálítið álag er á vefþjóninum meðan allir eru að reyna skoða þær svo um er að gera að reyna aftur ef síðan hleðst ekki inn. Pöntunarfrestur er til 13. desember og hægt verður að nálgast myndirnar í Kvosinni þann 14. desember.

Lesið nánar um þetta í tölvupóstinum og nýtið ykkur þetta einstaka tækifæri.

Fram komu þau Rósa, Þór, Kristín og Georg frá kvæðamannafélaginu Gefjuni og fluttu rímur og kvæði fyrir viðstadda.

Samkoman var vel sótt og mættu meðal annars skólameistari og frú.