Daníel

Tilboð fyrir nemendur MA á glæsilega Elvis tónleika í Sjallanum. Miðinn á 2000 í stað 3500. Allir að mæta!

Lagið í „Í minni mínu“ sigraði í kvöld söngkeppni Menntaskólans á Akureyri 2010. Söngkeppnin í ár fór fram í Kvos skólans en þar var breyting á því undanfarin ár hefur hún verið haldin í KA-heimilinu. Heppnaðist hún afar vel og voru vel yfir 600 manns á svæðinu. Umsvif keppninnar hefur aukist ár frá ári. Sýningin í ár var afar glæsileg og engu til sparað. Skapaðist skemmtileg stemming í Kvosinni og var gaman að heyra Sverri Pál bjóða keppnina heim á ný í Kvos skólans.

Lagið „Í minni mínu“ er frumsamið af Stefáni Erni Valmundarsyni og Darri Rafn Hólmarsson samdi textann við það. Lagið stóð uppúr í kvöld og var gaman að sjá að lagið vann einnig símakosninguna sem allir gátu tekið þátt í. Lagið var því ótvíræður sigurvegari kvöldsins og voru flestir ef ekki allir sáttir við niðurstöðuna.
Flytjendur lagsins voru Darri Rafn sem rappaði og Rakel Sigurðadóttir sem söng.
Lagið hlaut miklar undirtektir í sal og var það án efa hápunktur kvöldsins.

Textinn eftir Darra er einstaklega fallegur en um leið átakanlegur en hann fjallar um atvik sem hafa haft mikil áhrif á hann og hvernig hann upplifði þau.

Vonandi fáum við að heyra sigurlagið hljóma eitthvað á næstunni en flestir bíða eftir að geta fengið að heyra það aftur.

Nú er bara að bíða og sjá en þetta lag hefur allt sem þarf til að vinna Söngkeppni Framhaldsskólanna 2010.

Mynd: Jóhanna Stefánsdóttir

Í kvöld fer fram í Kvos MA undankeppni í söngkeppni framhaldsskólanna 2010. Keppnin í ár verður hin glæsilegasta en unnið hefur verið að því undanfarna daga að breyta kvosinni í glæsilega tónleikahöll. Heyrst hefur að keppnin í ár muni ekki gefa Eurovision neitt eftir.

Við hvetjum því alla til að mæta en miðaverð er aðeins 1000 krónur fyrir félaga Hugins og Þórdunu en 1500 fyrir aðra.

Gettu betur lið okkar sigraði í kvöld sína fyrstu viðureign á móti Menntaskólanum á Ísafirði.
Liðið í vetur skipa Gunnar Kristjánsson 4Y., Einar Bessi Gestsson 3X. og Nína Arnarsdóttir 4Y.
Það var aldrei spurning hvort liðið myndi sigra keppnina og vorum við með 20 stig eftir hraðaspurningarnar meðan að MÍ var með 13 stig. Leiðin lá þaðan að sigrinum og lék ekki nokkur vafi á því hvort liðið myndi vinna.

Dregið var í næstu umferð og kom í ljós að mánudaginn 25. janúar mætum við liði FSu.

Glæsilegur árangur hjá Gunna, Nínu og Bessa og óskum við þeim til hamingju með sigurinn.

Leiðrétting: Keppnin fer fram 27. janúar klukkan 19.30.

Söngsalurinn í dag heppnaðist frábærlega að sögn skólameistara. Kennt verður á morgunn þar til hringt verður á sal en þá mæta allir í kvosina. Þar mun Jón Már kveðja okkur og hleypa okkur í langþráð jólafrí.

Stjórnin þakkar fyrir önnina og óskar öllum gleðilegra jóla.